Panyuwun Mring Gusti Ing Dinten Natal (KPKA 233)

KPKA 233 Panyuwun Mring Gusti Ing Dinten Natal

Versi Version 1

Dhuh Gusti Sang Pantara kawula nglenggana

kadya Zakharia bapa tan manteb pracaya

mugi ing natal niki Gusti sung aksami.

Dhuh Sang Pamarta Gusti kawula ngakeni

kadya Herodhes raja watek kamitega

mugi ing natal dinten Gusti angapunten

Dhuh Gusti Yesus Kristus nggih adrenging manah

saged lir Maryam Yusup sumarah mring Allah

mugi natal kang adya nuwuhna pracaya.

Dhuh Yesus Kristus Gusti kula ngimpi-impi

saged lir pra pandhita sung pisungsung adya

mugi natal punika mbereg manah loma.

Dhuh Putreng Allah Yekti panyuwun kawula

tansah sareng mlaekat memuji tan kendhat

natal niki ndadosna mindhak ajrih tresna.

Dhuh Gusti Putreng Allah niyat kula tansah

lir pangen ing Yudea nekseni Pamarta

mugi natal puniki nyantosakken ati.

Audio yang tersedia di bawah ini belum tentu berasal dari sumber yang sama dengan penerbit buku yang di dalamnya lagu ini berada. The audio provided below does not necessarily originate from the same publisher of the book in which this song is included.