BE 749 SONGON SORHA NI PODATI
Versi Version 1
1
Songon sorha ni podati do ngolu ni jolma i
Ari on marlas ni roha ala pangomoan i
Hape ro ma sorimago, na manosak roha i
Hapogoson boi do songgop, ise pangoluan i?
Tatap ma halibutongan, dungkon salpu udan i
Padan holong ni rohaNa, di sudena jolma i.
2
Molo ro pe halisungsung, holom humaliang ho
Pos roham ndang dipasombu, sai paluaonNa ho,
Molo manariur langit, tung uli idaon i,
Tanda holong ni rohaNa di natinompaNa i.
3
Sotung pola ho mandele unang biahaton ho,
Hehe ho hatop langkahon, ingot padan na tu ho,
“haholongon do Tuhanmu” i ma mangapuli ho,
bahenonna ho martua asal ma porsea ho.

Last updated: 2026-03-30
Buku Ende (c) Huria Kristen Batak Protestan





OK
© 2010–2026 Tim Alkitab © 2010–2026 Quick Bible Team
Python 3.12.12 | production