BE 737 JESUS PANGAMUDI
Versi Version 1
1
Na mamolus do solunta di tonga ni laut i,
Pur alogo habahaba tung balga galumbang i
Tabereng dompak silang i maporus biar i,
Ai Jesus pangamudi i manjaga solumi.
2
Ro ma ho ale pardosa, tatap ma hau silang i,
Raphon Jesus ndang be lonong ho di parungkilonmi,
Nang gumalunsang laut i, naeng lonong solumi,
Jesus do pangamudi i, manjaga solumi
3
Ro muse mata ni ari, nunga demak laut i,
Na manerser galumbangna, sabam na mamereng i,
Tapuji ma Tuhanta i, tasomba Debata,
Jesus do pangamudi i manjaga solumi.

Last updated: 2026-03-30
Buku Ende (c) Huria Kristen Batak Protestan

OK
© 2010–2026 Tim Alkitab © 2010–2026 Quick Bible Team
Python 3.12.12 | production