TUNG DANGOL DO HO O JOLMA (BE 679)

BE 679 TUNG DANGOL DO HO O JOLMA

Versi Version 1

Tung dangol do ho O jolma ala halalapon mi,

So di boto ho magomu dirajai hisap i,

Lan do angka halilian na manaiti rohami,

Hariburon haulion lalap ho di horhon i.

Ida ma hirasna i, tung neang do langka nii,

Mangeahi arta i, na manggohi rohami.

Aha ma labam O jolma nang di ho luhut na i,

Magopo do di ujungna molo mago tondimi.

Ia arta na ummarga ndada disarihon ho,

Tung so saut do ho taruli, nang suksuk arta di ho,

Anggo sere dohot perak, na martingki do sude,

Tung so boi tondi mardemak, salpu do ngolum muse.

Arta na ummarga i, Hata ni Tuhanta i;

I do na manongtong i, na pasonang rohami.

Aha ma labam o jolma, nang di ho luhutna i?

Magopo do di ujungna, molo mago tondimi.