ప్రభుయేసు నా రక్షకా (AG 58)

AG 58 ప్రభుయేసు నా రక్షకా

Versi Version 1

ప్రభుయేసు నా రక్షకా

నొసగు కన్నులు నాకు

నిరతమునే నిన్ను జూడ

అల్ఫయు నీవె ఓమేగయు నీవే||ప్రభు||

1

ప్రియుడైన యోహాను పత్మాసులో

ప్రియమైన యేసుని స్వరూపము

ప్రియమార జూచి బహు ధన్యుడయ్యె

ప్రియప్రభు నిను జూడనిమ్ము ||ప్రభు||

2

లెక్కలేని మార్లు పడిపోతిని

దిక్కులేనివాడనేనైతిని

చక్క జేసి నా నేత్రాలు దెరచి

గ్రక్కున నిను జూడనిమ్ము ||ప్రభు||

3

ఎరిగి ఎరిగి నే చెడిపోతిని

యేసు నీ గాయము రేపితిని

మోసపోతి నేను దృష్టి దొలగితి

దాసుడ నిను జూడనిమ్ము ||ప్రభు||

4

ఎందరేసునివైపు చూచెదరో

పొందెదరు వెల్గు ముఖమున

సందియంబులేక సంతోషించుచు

ముందుకు పరుగెత్తెదరు ||ప్రభు||

5

విశ్వాస కర్త ఓ యేసు ప్రభూ

కొనసాగించువాడ యేసు ప్రభూ

వినయముతోనేను నీవైపు జూచుచు

విసుగక పరుగెత్తనేర్పు ||ప్రభు||

6

కంటికి కనబడనివెన్నియో

చెవికివినబడని వెన్నియో హృదయ

గోచరము కాని వెన్నియో

సిద్ధపరచితివా నాకై ||ప్రభు||

7

లోకభోగాలపై నా నేత్రాలు

సోకకుండునట్లు కృప జూపుము

నీ మహిమ దివ్యస్వరూపమును

నిండార నను జూడనిమ్ము ||ప్రభు||

OK

© 2010–2024 Tim Alkitab © 2010–2024 Quick Bible Team

Fork me on GitHub