దేవర నీ దీవెనలు (AG 271)

AG 271 దేవర నీ దీవెనలు

Versi Version 1

దేవర నీ దీవెనలు

ధారాళముగను వీరలపై

బాగుగ వేగమే దిగనిమ్ము

పావన యేసుని ద్వారగను ||దేవర||

1

దంపతులు దండిగ నీ

ధాత్రిలో వెలయుచు సంపదలన్‌

సొంపుగ నింపుగ పెంపగుచు

సహింపున వీరు సుఖించుటకై ||దేవర||

2

ఈ కవను నీ కరుణన్‌

ఆకరువరకును లోకములో

శోకము లేకయె యేకముగా

బ్రాకటముగను జేకొనుము ||దేవర||

3

ఇప్పగిది నెప్పుడును

గొప్పగు ప్రేమతో నొప్పుచు దా

మొప్పిన చొప్పున దప్పకను

మెప్పుగ బ్రతుకగ బంపు కృపన్‌ ||దేవర||

4

తాపములు పాపములు

మోపుగ వీరిపై రాకుండగా

గాపుగ బ్రాపుగ దాపునుండి

యాపద లన్నియు బాపుచును ||దేవర||

5

సాధులుగన్‌ జేయుటకై

శోధనలచే నీవు శోధింపగా

కదలక వదలక ముదమున నీ

పాదము దాపున బాదుకొనన్‌ ||దేవర||

6

మెండుగ భూమండలపు

గండములలో వీరుండగను

తండ్రిగ దండిగ నండనుండి

వెండియు వానిని ఖండించవే ||దేవర||

7

ఇద్ధర వీరిద్దరును

శుద్ధులై నిన్ను సేవించుటకై

శ్రద్ధతో బుద్ధిగ సిద్ధపడన్‌

దిద్దుము నీ ప్రియ బిడ్డలుగాన్‌ ||దేవర||

8

వాసిగ నీ దాసులము

చేసిన యీ మొఱల్‌ దీసికొని

మా సకలేశ్వర నీ సుతుడౌ

యేసుని పేరట బ్రోవుమామేన్‌ ||దేవర||

OK

© 2010–2024 Tim Alkitab © 2010–2024 Quick Bible Team

Fork me on GitHub