బహుగా ప్రార్థన చేయుడి (AG 162)

బహుగా ప్రార్థన చేయుడి

ఇకమీదట బహుగా ప్రార్థనచేయుడి

బహుగా ప్రార్థన చేసి-బలమున్‌

సంపాదించి - మహిలో కీడును

గెల్వుడి-దేవుని కెపుడు-మహిమ

కలుగనీయుడి

1

చెడుగెక్కువగుచున్నది-భూలోకమున

చెడుగెక్కువగుచున్నది

చెడుగుపై మంచిపై-చేయగలదౌనట్లు

విడువక ప్రార్థించుడి-మీ ప్రార్థన

కడవరకు బోనీయుడి ||బహుగా||

2

వాగ్దానములు చూడుడి-దేవుని గ్రంథ

వాగ్దానములు జూడుడి

వాగ్దానముల్‌ జరుగ వలసిన

కార్యంబుల్‌

వాగ్దానములు నమ్ముడి ఈ రీతిగా

ప్రభుని సన్మానించుడి ||బహుగా||

3

విందు నన్న దేవుని-వాగ్దానము

విందుగా ధ్యానించుడి

విందులో నుండగా-వింతగ నెరవేర్పు

బొందియానందింతురు-ఇది రెండవ

విందంచు గ్రహింతురు ||బహుగా||

4

విసుగుదల జెందరాదు-ప్రార్థన

నెరవేర్పు తత్‌క్షణమె రాదు

విసుగున్నచో సిద్ధి-వెనుకకే పోవును

వసియించుడి దేవుని-వాగ్దానమున

భటులవలె నిల్వుడి ||బహుగా||

5

సంశయము పనికిరాదు-లేశంబైన

సంశయము పనికిరాదు

సంశయింపక దైవ సన్నిధియందు మీ

యంశము విడచెప్పుడి-దానికి గొప్ప

యంశం బట్టనీయుడి ||బహుగా||

6

సిద్ధి కనుపింపకున్న-వాగ్దానము

సిద్ధియున్నది చూడుడి-సిద్ధి యప్పుడు

మీకై సిద్ధవై వెడలి ప్ర-సిద్ధిలోనికి

వచ్చును-మీ నమ్మిక వృద్ధిగాంచి

నిల్చును ||బహుగా||

7

సంతోషమందరారె-మన దేవుని

సంస్తుతి చేయరారె-సంతోషబలముచే

సర్వ కష్టములను-అంతరింపజేతుము

మన దేవుని సంతోష

పరచెదము ||బహుగా||

8

అంతయు మనదేగదా-యేసుని

కున్నదంతయు మనదె గదా

అంతయు మన ప్రభువు

ఆర్జించియున్నాడు-స్వంతమని

అందుకొనుడి-మీ ఆత్మకు శాంతి

జెందనీయుడి ||బహుగా||

9

విజయ జీవనము మనదె-క్రీస్తిచ్చిన

విజయ జీవనము మనదె విజయ

జీవనము మనదె విశ్వమంతయు

మనదె-భజన సంఘంబు మనదె

దేవుడున్న పరలోకమెల్ల

మనదె ||బహుగా||