దేవ సంస్తుతి చేయవే మనసా (AG 143)

AG 143 దేవ సంస్తుతి చేయవే మనసా

Versi Version 1

దేవ సంస్తుతి చేయవే మనసా

శ్రీ-మంతుడగు

యెహోవ సంస్తుతి చేయవే మనసా

దేవ సంస్తుతి చేయుమా

నా జీవమా యెహోవా దేవుని

పావన నామము నుతించుమా

నా యంతరంగములో

వశించునో సమస్తమా ||దేవ||

జీవమా, యెహోవా నీకు

జేసిన మేళ్లన్‌ మరువకు

నీవు చేసిన పాతకంబులను

మన్నించి జబ్బు

లేవియున్‌ లేకుండ జేయును

ఆ కారణముచే ||దేవ||

చావు గోతి నుండి నిన్ను

లేవనెత్తి దయను గృపను

జీవ కిరీటముగ వేయును

నీ శిరసు మీద

జీవ కిరీటముగ వేయును

ఆ కారణముచే ||దేవ||

యౌవనంబు పక్షిరాజు

యౌవనంబు వలెనె క్రొత్త

యౌవనంబై వెలయునట్లుగ

మేలిచ్చి నీదు

భావమును సంతుష్టి పరచునుగా

ఆ కారణముచే ||దేవ||

ప్రభువు నీతి పనులు చేయున్‌

బాధితులకు న్యాయ మిచ్చున్‌

విభుడు మార్గము తెలిపె మోషేకు

దన కార్యములను

విప్పె నిశ్రాయేలు జనమునకు

ఆ కారణముచే ||దేవ||

అత్యధిక ప్రేమ స్వరూపి

యైన దీర్ఘ శాంతపరుడు

నిత్యము వ్యాజ్యంబు చేయడు

ఆ కృపోన్నతుడు

నీ పయి నెపుడు కోపముంచడు

ఆ కారణముచే ||దేవ||

పామరుల మని ప్రత్యుపకార

ప్రతి ఫలంబుల్‌ పంపలేదు

భూమికన్న నాకసంబున్న

యెత్తుండు దైవ

ప్రేమ భక్తి జనుల యందున

ఆ కారణముచే ||దేవ||

పడమటికి తూర్పెంత యెడమో

పాపములకును మనకు నంత

యెడము కలుగ జేసియున్నాడు

మన పాపములను

యెడముగానే చేసియున్నాడు

ఆ కారణముచే ||దేవ||

కొడుకులపై దండ్రి జాలి

పడు విధముగా భక్తిపరుల

యెడల జాలి పడును దేవుండు

తన భక్తిపరుల

యెడల జాలిపడును దేవుండు

ఆ కారణముచే ||దేవ||

మనము నిర్మితమయిన రీతి

తనకు దెలిసియున్న సంగతి

మనము మంటివార మంచును

జ్ఞాపకము చేసి

కొనుచు కరుణ జూపుచుండును

ఆ కారణముచే ||దేవ||

Versi Version 2

పూసి గాలి వీవ నెగిరి

పోయి బసను దెలియని వన

వాస పుష్పము వలెనె నరుడుండు

నరు నాయువు తృణ

ప్రాయము మన దేవ కృప మెండు

ఆ కారణముచే ||దేవ||

Versi Version 3

పరమ దేవ నిబంధ నాజ్ఞల్‌

భక్తితో గైకొను జనులకు

నిరతమును గృప నిలిచి యుండును

యెహోవా నీతి

తరముల పిల్లలకు నుండును

ఆ కారణముచే ||దేవ||